O que vai supoñer o decreto do Galego

Consecuencias que o Decreto do Plurilingüismo vai ter no ensino

Prezados/as amigos/as,

Enviámosvos no arquivo adxunto a versión definitiva do folleto “O que vai supoñer o decreto”, elaborado coa intención de informarmos ao conxunto da comunidade educativa, sobre todo ás familias, das consecuencias que o Decreto do Plurilingüismo vai ter no ensino.

Se queredes participar na edición conxunta do folleto (DIN A3 a cor) para aforrar custes, o prezo de referencia que barallamos é: 0.10 cada unidade (10€ cada 100 unidades sen IVE) se chegamos ás 10.000.

Neste momento, foron moitos os ENDL que fixeron xa o seu encargo, polo que a partir de agora abaratarase o custe por unidade. Fai a reserva de folletos ata o mércores 19 de maio (cumprimentar a ficha anexa). Na web da CGENDL podedes descargar outros formatos (DIN A4 e .jpg):

http://www.coordinadoraendl.org

Así mesmo, o vindeiro sábado 22 de maio a CGENDL quere convidarte á Xornada de Formación sobre o Decreto e ao acto de lectura pública de textos que se vai celebrar no Hotel Virxe da Cerca de Santiago con motivo da presentación da segunda parte da campaña "Orgullosos/as do noso. Orgullosos/as do galego". Este é o programa:

11:00 horas: Charla do ENDL do IES Ribeira do Louro, que explicará o material que poñen a disposición de todos os ENDL de cara a impartir charlas explicativas sobre o novo Decreto.
12:00: Presentación dun novo proxecto para levar a cabo a comezos do próximo curso.
12:30: Lectura pública de textos elaborados para a ocasión por personalidades de diferentes ámbitos da sociedade galega.

Esperamos contar contigo. Confírmanos a túa asistencia enviando un correo a

correo@coordinadoraendl.org

Saúdos dinamizadores