Cursos de galego
O Servizo de Normalización Lingüística comezou xunto con outro departamento do Concello de Vigo un programa de actuacións chamado "En galego tamén noutros mundos" que iniciou a súa andaina cunha festa multicultural no mes de novembro de 2009 e continúa ao longo de 2010.
Cunha perspectiva de multiculturalidade e diversidade pretendemos que a lingua galega sexa para as persoas de orixe estranxeira outro factor máis de integración na sociedade viguesa ao mesmo tempo que a cidadanía coñece as diferentes culturas e linguas que chegaron até nós polo vieiro da inmigración.
Con ese motivo ideamos un cursos básicos de lingua galega que permitan un achegamento á lingua e á cultura galega de xeito progresivo e adaptado ás necesidades do alumnado. O obxectivo é facilitar a integración da poboación de orixe estranxeira a través dunhas nocións básicas para a comprensión oral e escrita, e para a fala, ademais de dar a coñecer a historia e situación de Galicia.
Haberá dous cursos que terán lugar no Instituto Castelao (Aragón, 22. Calvario):
CURSO A : - Para alumnado matriculado na ESO e Bacharelato
Martes, mércores e venres de 17:45h a 20:45 h
CURSO B : - Para persoas adultas
Martes e mércores de 20:00 h a 22:15 h e venres de 20:00 a 21:45 h.
Carolina Díaz
Servizo de Normalización Lingüística
Praza do Rei, nº 1
36202 Vigo
Tlf.986 810281
Fax 986 220678
http://snl.vigo.org
ofi.normalizacion2@vigo.org
/fdata%2F3854841%2Favatar-blog-1156229313-tmpphp4unzhJ.gif){kind=avatar}
